korsou videos

Postspaarbank ta bai dediká su mes na konstrukshon di kas tambe awor. Asina minister Maurice Adriaens a deklará indikando ku lo enbolbi e banko den proyektonan di konstrukshon di kas pa klase medio. Bentaha di esaki ta ku ta skapa gastu di un desaroyado. E plan ta forma parti di un totalidat den kua Postspaarbank lo traha den estrecho koperashon ku Post. Intenshon ta pa mehorá servisio di Post di manera k’e dos entidatnan por ofresé un variedat mas amplio di produkto.

Despues ku a subi penshun di behes e aña aki konforme oumento di kosto di bida, a yega e momentu pa hisa edat pa baha ku penshun te na 65 aña. Asina minister di Salubridat, Omayra Leeflang, a deklará. Ela bisa k’e adaptashon ta krea un defisit di 4 pa 5 mion na 2009 so kaba riba e fondo. Mirando ku Antia ta den periodo di transishon, e minister a manda e proposishon pa tur teritorio insular pa haña nan komentario

Awor ku preis di petroli a baha mundialmente, tur hende ke sa si preis den supermerkado tambe ta baha ya ku aña pasa a atribui subida di esaki na preis di petroli. Segun Joel Gois di SUVECU, e asosashon di doñonan di supermerkado, e preisnan lo baha poulatínamente.

Maske tur kos no ta kla ora pais Kòrsou bira realidat na 2010, gobièrnu sentral lo bai kas. Asina promé minister Emily de Jongh-Elhage a bisa splikando ku febrüari lo tin un kumbre pa diskutí e asuntu. Dos komishon chikí, un di Antia i un di Hulanda, ta trahando riba e proposishon

Direktiva di Skolnan Katóliko a realisá apertura di nan edifisio nobo den kurá di Katedral di Pietermaai. E seremonia a kuminsá ku un misa den katedral sigui pa un selebrashon tur afó dilanti dje edifisio nobo. E direktiva a hasi un donashon tambe na Casa Cuna riba mesun atardi aki.

WENSHOW ENTERTAINMENT [WENSHOW] -- "Gone 20" PRESENTS: " 2008, WENSHOW's moments, peoples and things " The simple guy that made his life a reality show: WENSHOW on YOUTUBE -- This also a part of me, part of my life now turned 20. Featurin' in this episode: All those who meant alot to me in 2008 and in my life. Gwendell Mercelina, Jr. ® - Music by X-Factor -- JLS & Westlife -- Alexandra Burke -- - Edited in January, 2009 -- Curaçao, Netherlands Antilles (Dutch Caribbean) For more information contact: wensjo@live.com Original Idea of Gwendell Mercelina, Jr. WENSHOW ENTERTAINMENT "Giant Dreams, Goin' Stronger -- Goin' Wiser" -- [WENSHOW]

Nos ta kuminsá nos boletin di awe 7 yan 2009 ku un nota alegre. Koleganan Monique Felida i Kenneth Koeyers a bisa SI eterno na otro awe den un seremonia impreshonante na Kranshi siguí pa bendishon di renchi i resèpsi na Because Entertainment Center. Defakto, n’e momentunan aki e parti di bendishon di renchi ta tumando lugá. Pero pa abo na kas no warda muchu, TeleNotisia a traha riba e siguiente kompilashon dje seremonia na Kranshi kaminda Monique i Kenneth a dal e promé stap pa un fase nobo den nan bida.